Gasgrill, Kamado oder Plancha? Dat ass dacks eng grondsätzlech Fro, bei där d'Meenungen auserneeginn. Egal fir wéi e Modell Dir Iech entscheet, eis ass et wichteg, datt all d'Produite vun exzellenter Qualitéit sinn. Als eenzel Grillmoduler oder an Är eege Baussekichen integréiert. Kamadogrill De Kamado ass e ganz besonnesche Kuelegrill, heimat kënnt Dir grillen, reecheren, baken, kachen an dëmpen. E richtegen Allrounder, deen et an e puer Faarwe gëtt. Duerch d'Keramikisolatioun, déi d'Hëtz späichert, an d'steierbar Loftzoufur erreecht Dir en onverkennbaart Aroma. Gasgrill Gasgriller zielen zu de Klassiker beim BBQ. Fir datt Dir iwwer vill Jore Freed drun hutt, kritt Dir bei eis Griller, déi ganz aus Inox hiergestallt sinn. Dofir si se besonnesch wiederbestänneg a robust. Déi grouss Grillfläch eegent sech ideal, fir e Grupp vu Leit ze bekäschtegen oder fir verschidde Platen, vu Fleesch bis Geméis, ze grillen. Déi geziilt Temperaturreegelung suergt dofir, datt Dir déi gewënschten Hëtzt genee do kritt, wou a wéini Dir se braucht. Plancha De Begrëff Plancha kënnt aus dem Spueneschen a bedeit Plack. Op enger ronner Plack aus Stol, déi bis zu 350 Grad waarm gëtt, ka praktesch alles gegrillt ginn, woubäi méi kleng Grillsaache wéi Scampien oder Geméis sech besonnesch gutt eegenen, well déi zoue Fläch verhënnert, datt eppes an de Grill fält. Befeiert gëtt d'Plancha mat Holz, dat bannen am stole Rank ugefaange gëtt.