Firwat mir eis mat engem Holzfeier méi wuel fillen
- marketing66680
- Jul 24
- 2 min read
Zënter jeehier ass de Mënsch vum Feier ugezunn. Mee firwat ass dat esou – a wéi wierkt sech eng Feierplaz tatsächlech op eist Wuelbefannen aus?
Eng wëssenschaftlech Etüd bestätegt, datt Feier net nëmme Wäermt mee och en déift Gefill vu Gebuergenheet an Zefriddenheet vermëttelt. „Uewebesëtzer fille sech kierperlech a séilesch méi wuel wéi den Duerchschnëtt vun der Bevëlkerung", dat ass eent vun den zentrale Resultater vun der Etüd. Mee wat stécht genee dohannert?
D'Kraaft vun der Stralungswäermt
Säit et d'Mënschheet gëtt, spillt d'Feier en zentral Roll. Et vermëttelt Wäermt, Luucht a Schutz an huet sech séier zum soziale Mëttelpunkt entwéckelt. E knisternd Holzfeier, dat schaaft och haut nach eng eenzegaarteg Atmosphär, déi kaum eng aner Wärmequell erreecht. Dëst Gefill vu Gebuergenheet a Sécherheet ass déif an eiser DNA verankert.
Wësseschaftlech Etüde weisen, datt d'Wäermt vun engem Holzfeier eis net nëmme kierperlech mee och séilesch guttdeet. „D'Stralungswäermt vun engem Kacheluewen ass besonnesch angeneem“, stellt d'Etüd fest. Dës Zort vu Wäermt gläicht der Stralung vun der Sonn a verdeelt sech gläichméisseg am Raum.
Méi Wuelbefannen duerch Holzfeier
Déi positiv Effekter vun enger Feierplaz ginn iwwer déi reng Wäermt eraus. Laut dëser Etüd fille sech Kamäin- a Kacheluewebestëtzer iwwerduerchschnëttlech wuel. Si berichten, datt si sech kierperlech a séilesch besser fillen, si méi entspaant a méi geselleg ewéi Leit, déi keng Feierplaz hunn. Ausserdeem schafe si duerch déi roueg, gemittlech Atmosphär eng Plaz, op där si Kraaft tanken an den Alldag besser hannert sech loosse kënnen.
D'Etüd weist och, datt Kamäibesëtzer déi roueg a gemittlech Atmosphär vun hirer Feierplaz als Quell fir Entspanung an Ausgläich ugesinn. Grad an eiser schnelllieweger Zäit, an där dacks de Stress an d'Hektik dominéieren, bitt en Holzfeier e wäertvolle Ruhepol.
Auszich aus de Studieresultater:
Feier – och haut nach e soziale Mëttelpunkt
E weideren Aspekt, deen d'Beléiftheet vu Feierplazen erkläert, ass hir Funktioun als sozialen Ankerpunkt. Scho fréier hu sech d'Famillen an d'Frënn ronderëm d'Feier versammelt, hu sech Geschichte verzielt oder einfach nëmmen d'Rou genoss. Dës Traditioun lieft och haut nach a moderne Wunnraim weider. E schuckelegt Feier bréngt Mënschen zesummen, schaaft Momenter vu Verbonnenheet a stäerkt d'Gemeinschaftsgefill.
Loosst och Dir Iech verféieren a fannt Är Feierplaz.
D'Atoute vun engem Holzfeier schwätze fir sech: eng Wäermequell, déi net nëmmen de Raum méi gemittlech mécht, mee och der Séil guttdeet. Firwat also déi Faszinatioun net och selwer erliewen?
Besicht eise Showroom an entdeckt d'Méiglechkeete fir eng Feierplaz an Ärem Doheem anzeriichten. Ob en traditionellen Uewen oder eng minimalistesch Kamäinanlag – mir hëllefen Iech, dat Feier ze fannen, dat perfekt bei Iech passt.
Quelle: Zusammenfassung der AdK-Studie "Seelische und körperliche Befindlichkeit von Kachelofenbesitzern". Durchgeführt wurde die Studie von: Institut für Ökologische Strategien GbR, München; REAL Institut GmbH, München; Akademie für Bauökologie e. V., Saarländisches Ökologie-Zentrum, Tholey; Hochschule für Technik und Wirtschaft des Saarlandes
