Skantherm Elements: Uewen a Feiermiwwel
- marketing66680
- Jul 24
- 2 min read
Feierplaz ass Feierplaz? Ganz a guer net! D'Elements-Serie vu Skantherm bitt onendlech vill Gestaltungsméiglechkeeten, sou datt Dir genee déi Feierplaz kritt, déi zu 100 % an Äert Doheem passt!
Wéi an a wéi enger Form? Dat verrode mir Iech an dësem Blogbäitrag!
E Baukastesystem fir individuell Feierplazen
Ob e groussen oder e klenge Raum, ob Neibau oder Renovatioun: All Wunnsituatioun ass anescht an eenzegaarteg. Eng Feierplaz sollt dofir gutt geplangt ginn, fir datt se perfekt an Är véier Wänn passt. Mat der Elements-Serie vum Hiersteller Skantherm ass d'Ëmsetzung net nëmme méiglech mee och individuell gestaltbar – dank der modularer Bauweis.
D'„Bauelementer“ besti grondsätzlech aus zwou Komponenten: der Brennkummer a verschiddene Boxen, déi a variabele Gréissten an Ausféierunge matenee kombinéiert kënne ginn. D'Betounung läit dobäi um Wuert „kënnen“, well d'Feierplaz ass och ouni Boxen disponibel a voll funktiounsfäeg.
Et gëtt d'Elements-Serie am Stol mat zwou Faarfvarianten: schwaarz a Platin. Kloer a riicht Linne si charakteristesch fir d'Ausgesinn.
Bei esou ville Méiglechkeete kënnt Dir Iech guer net decidéieren? Mir hëllefen Iech gären! No engem éischte Gespréich erstelle mir gär konkreet Propositiounen, déi zu Äre Raimlechkeete passen. Elo e Rendez-vous fir eng Berodung ausmaachen
Feierraum: Ganz no Ärem Goût
Natierlech steet bei engem Uewen d'Feier a seng Hëtzt am Vierdergrond. Fir méiglechst alle Wunnsituatiounen a Gestaltungswënsch gerecht ze ginn, huet den Hiersteller 9 verschidden Asazméiglechkeeten entwéckelt an op de Maart bruecht.
Si kënnen ënnerdeelt ginn an d'Kategorië Ronn, Front, Eck an Tunnel a beschreiwen déi grondsätzlech Beschafenheet vum Feierraum. Jee no Kategorie besteet ausserdeem de Choix tëschent enger eng-, zwou- oder dräisäiteger Verglasung vun der Uewefënster.
Aus engem Uewe gëtt e Feiermiwwel
Wat besonnesch ass un der Skantherm Elements-Serie , ass datt aus engem Uewen eng ganz Wunnsituatioun entstoe kann. D'Verbindung tëschent Feier a Miwwele steet dobäi am Mëttelpunkt. D'Zil ass, d'Feierplaz harmonesch an de Wunnraum ze integréieren.
D'Boxe kënnen dobäi flexibel agesat ginn: Ob als Sëtzbänk oder Etagèrëschief an der Mauer. Sou entsteet net nëmmen eng wunnlech Atmosphär, mee och praktesche Stauraum, dee mat Frontblenden aus Stol oder Eechenholz ergänzt ka ginn. D'Diere sinn alleguer mam Push- a Pullsystem ekipéiert, soudatt d'Iwwerfläch glat bleift a keng Grëffer erausstinn. Wien et nach méi gemittlech wëll, ka bei d'Sëtzbänk héichwäerteg Liederpolster bestellen, déi et an 29 verschiddene Faarwe gëtt.
Technesch Highlighter vun der Elements-Serie
D'Skantherm Elements-Serie iwwerzeegt net nëmmen optesch mee och vu bannen, well hei sinn d'Loftsteierung an d'Äschekëscht ënnerbruecht. Och Dampréier a Frëschloftleitunge kënnen an den Elementer verluecht ginn. Duerch déi geschéckerlech Bauweis si se op den éischte Bléck net siichtbar, soudatt de soberen Design bestoe bleift.
Déi gutt duerchduecht Scheibenspülung ënnerstëtzt d'Feierplaz dobäi, d'Ueweglas méiglechst viru Rouschtoflagerungen ze schützen. Dat erméiglecht eng kloer Siicht op d'Feier a miniméiert d'Noutwendegkeet, d'Glas no all Notzung propper ze maachen. Wann trotzdeem ze vill Rouscht um Glas ass, da liest eis 3 Tipps, wéi Dir se séier an einfach botze kënnt.
Wien d'Wäermt nach laang nodeems d'Feier aus ass am Wunnraum genéisse wëll, kann d'Feierplaz optional mat Späichersteng oprüsten. Eng weider Optioun ass de Katalysator, deen déi entstanen Emissiounen däitlech erofsetzt.
Bildquelle: Skantherm & Feuerloft
